வவுனியா, தோணிக்கல் பகுதியில் 15 வயது சிறுமி ஒருவருக்கு பாலியல் துன்புறுத்தல் செய்ததாக இளைஞர் ஒருவர் கைது செய்யப்பட்டுள்ளதாக வவுனியா பொலிசார் தெரிவித்துள்ளனர்.
தோணிக்கல் பகுதியில் வசிக்கும் குறித்த சிறுமியை அப் பகுதியைச் சேர்ந்த இளைஞர் ஒருவர் காதலித்ததாகவும், அதற்கமைய அவரால் சிறுமிக்கு பாலியல் துன்புறுத்தல் மேற்கொள்ளப்பட்டதாகவும் சிறுமியின் தாயாரால் பொலிசாரிடம் முறைப்பாடு செய்யப்பட்டுள்ளது.
முறைப்பாட்டை தொடர்ந்து, சம்பந்தப்பட்ட இளைஞரை பொலிசார் கைது செய்துள்ளனர். தொடர்ந்து மேற்கொள்ளப்பட்ட விசாரணைகளின் பின்னர், குறித்த நபரை நீதிமன்றத்தில் முற்படுத்தியுள்ளனர்.
நீதிமன்றம் வழங்கிய உத்தரவின் அடிப்படையில் குறித்த இளைஞர் விளக்கமறியலில் வைக்கப்பட்டுள்ளதாக பொலிசார் மேலும் தெரிவித்துள்ளனர். இதுதொடர்பாக மேலதிக விசாரணைகள் முன்னெடுக்கப்பட்டு வருகின்றன.
சிறுவர்கள் பாதுகாப்பு குறித்து பெற்றோர்கள் விழிப்புணர்வுடன் இருப்பது மற்றும் சமூக முறைகளில் அனைவரும் கவனமாக செயல்படுவது மிக முக்கியமானதாகும். மேலும், இவ்வாறான சம்பவங்களை தவிர்க்க உரிய சட்ட நடவடிக்கைகள் உறுதிப்படுத்தப்பட வேண்டும்.
0 Comments